Европа Кенгаши президенти Антониу Кошта Исроил ҳукуматини Ғазо шаҳри устидан назоратни ўз қўлига олиш тўғрисидаги қарор Сектордаги оғир аҳволни янада ёмонлаштириши ҳақида огоҳлантирди.
У бу ҳақда Х ижтимоий тармоғида ёзди.
"Исроил ҳукуматини Ғазо шаҳрини эгаллаб олиш ҳақидаги қарорини қайта кўриб чиқишга чақираман. Ғазо секторидаги вазият кескинлигича қолмоқда ва Исроил ҳукуматининг қарори вазиятни янада оғирлаштиради", — дейилади нашр.
Коштанинг таъкидлашича, "бундай операция Ғарбий Соҳилда давом этаётган аҳоли пунктларини ноқонуний равишда кенгайтириш, Ғазо секторида оммавий вайронагарчиликлар, гуманитар ёрдам блокадаси ва очликнинг тарқалиши билан бирга нафақат Европа Иттифоқи билан келишувни бузади, балки халқаро ҳуқуқнинг асосий тамойиллари ва умуминсоний қадриятларга путур етказади."
Унинг таъкидлашича, Исроил ҳукуматининг бу қарори "Европа Иттифоқи ва Исроил ўртасидаги муносабатлар учун оқибатларга олиб келади".
Шу билан бирга, Коста Европа Иттифоқи ХАМАСнинг 2023 йил 7 октябрда Исроилга уюштирган ҳужумини қоралашини, барча гаровга олинганларни сўзсиз озод қилишни талаб қилишини, Исроилнинг қонуний ўзини ўзи ҳимоя қилиш ҳуқуқини тан олишини, шу билан бирга ҳудудда самарали назорат ўрнатишда Фаластин миллий маъмуриятини қўллаб-қувватлашини таъкидлади.
Исроил Бош вазири Беньямин Нетаньяхунинг идораси хавфсизлик кабинети унинг Ғазо шаҳри устидан ҳарбий назорат ўрнатиш режасини маъқуллаганини тасдиқлади.
АҚШдаги уйга ёши Ерникидан катта метеорит қулаб тушди
70 ёшдан ошган ҳайдовчиларга рулга ўтириш тақиқланади
Россия ТИВ Арманистон ва Озарбайжон раҳбарларининг АҚШдаги учрашувига изоҳ берди
