Европа Иттифоқи Ғарбий Соҳилда зўравонлик кучайиб бораётган бир пайтда "экстремистик" Исроил кўчманчилари ва унга алоқадор ташкилотларга қарши санкциялар қўллашга келишиб олди.
Европа дипломатияси раҳбари Кая Каллас бу ҳақда Брюсселда бўлиб ўтган Европа Иттифоқи Ташқи ишлар кенгаши йиғилишидан сўнг эълон қилди.
"Бугун биз Исроил экстремист кўчманчилари ва ташкилотларига қарши санксиялар бўйича сиёсий келишувга эришдик. Бу Ҳамаснинг етакчи арбобларига қарши янги санксиялар билан бир вақтда амалга оширилди", деди у.
Калласнинг сўзларига кўра, келишув Европа Иттифоқи ичидаги қарорни узоқ вақтдан бери тўсиб қўйган "сиёсий боши берк кўчадан" чиқишни англатади. "Зўравонлик ва экстремизм оқибатларга олиб келади", деб таъкидлади у.
Каллас шунингдек, вазирлар ноқонуний Исроил аҳоли пунктлари билан савдони чеклаш имкониятини муҳокама қилганликларини хабар қилди. "Кўплаб аъзо давлатлар бу масалани олдинга суришга чақирдилар", деди у ва Европа Комиссияси билан мумкин бўлган таклифлар бўйича ишлар давом этишини қўшимча қилди.
Журналистларнинг Европа Иттифоқи аҳоли пунктлари билан савдо қилиш бўйича аниқ чоралар пакетини, хусусан, Франция ва Швеция таклифларини тақдим этмаганлиги ҳақидаги саволларига жавоб берар экан, Каллас Европа Иттифоқи мамлакатлари ўртасида келишув йўқлигини тан олди.
"Кўпгина аъзо давлатлар [Исроилга қарши санкциялар бўйича] кўпроқ нарсани хоҳлашлари рост, аммо бунга қўшилмайдиган кўплаб аъзо давлатлар ҳам бор", деди у.
Европа дипломатияси раҳбари савдо чоралари унинг идораси эмас, балки Европа Комиссиясининг вазифаси эканлигини тушунтирди.
"Олдинги Кенгаш йиғилишидан сўнг дарҳол мен бу масалани Европа Комиссиясига кўтардим, чунки аъзо давлатлар бундай таклифларни киритмоқда. Мен буни сўрадим, лекин ҳали жавоб йўқ ва мен уни тайёрлай олмайман", деди Каллас.
МДҲ давлатларида қанча Иккинчи жаҳон уруши қатнашчилари қолган?
Россия Москвадаги парадга борадиган етакчилар рўйхатини эълон қилди
Энди Тошкент вилояти йўлларида “Damas” ҳаракати чекланади
