Европа Иттифоқи илк бор Украинага ҳарбий инструкторлар юбориш имкониятини муҳокама қилади. Германиянинг Welt нашри хабарига кўра, бу масала ЕИ ташқи ишлар ва мудофаа вазирлари томонидан келаси ҳафта, шунингдек, 27 август куни Европа Иттифоқининг сиёсий ва хавфсизлик қўмитасида кўриб чиқилади.
Бу ташаббус Украина расмийларининг 31 май куни Европа Иттифоқи бош дипломати Хосеп Боррелга қилган мурожаатидан сўнг пайдо бўлди. Европа Иттифоқига аъзо давлатлар иккига бўлинган: Франция, Болтиқбўйи мамлакатлари, Дания ва Швеция бу ғояни қўллаб-қувватласа, Австрия, Венгрия, Германия, Малта ва Словения можаро кучайишидан қўрқиб, бунга қарши.
Муҳокама Европа ташқи ҳаракатлар хизматининг «Европа Иттифоқининг Украинадаги тренинг миссиясининг стратегик шарҳи» номли махфий ҳужжатига асосланади. Ҳужжатда таъкидланишича, Украина май ойидаги сафарбарлик натижасида 150 минг нафаргача ёлланувчини кутмоқда ва ўнта янги пиёдалар бригадасини яратишни режалаштирмоқда.
Усейн Болт, Криштиану Роналду ва туяқуш ўртасидаги пойгада ким ғалаба қозонади?
Офицерлар оммавий равишда ишдан бўшамоқда
“Ахмат” қуролли бўлинмаси қўмондони Апти Алаудинов ўз ихтиёри билан таслим бўлган чеченларни қутқармаслигини, улар "яшашга лойиқ эмаслигини" айтди
