Европа Иттифоқи фуқаролари учун Буюк Британияга кириш пулли бўлди

2025 йил 2 апрелдан бошлаб янги қоидалар кучга кирди. Унга кўра, энди Европа Иттифоқи фуқаролари Буюк Британияга кириш учун электрон рухсатнома олишлари ва тегишли тўловни амалга оширишлари шарт.

Илгари Европа Иттифоқидан келган саёҳатчилар соддалаштирилган кириш тартибидан фойдаланишган: самолётга ўтириш ва етиб келгач, оддий паспорт назоратидан ўтишнинг ўзи етарли эди. Ҳозирда улар саёҳат қилиш учун олдиндан электрон рухсатнома олиши зарур бўлган дунёнинг 48 давлати фуқаролари сафига қўшилди.

ЕТА (Electronic Travel Authorization)) — бу мамлакатга киришни олдиндан тасдиқлайдиган “электрон саёҳат рухсатномаси"дир. Бу Америка ESTA тизимининг Буюк Британиядаги муқобили бўлиб, саёҳатчининг маълумотларини олдиндан текширишни кўзда тутувчи мажбурий пуллик рухсатномадир.