Европа Иттифоқи АҚШнинг савдо чораларига қарши ўзини ҳимоя қилиш учун барча воситаларга эга

Европа Иттифоқи АҚШнинг янги тарифларидан ҳимояланиш учун барча зарур воситаларга эга.

Бу ҳақда Еврокомиссия раҳбари Урсула фон дер Ляйен бугун Европарламент аъзолари олдида чиқиши чоғида маълум қилди.

Унинг таъкидлашича, Европа Қўшма Штатлар билан қарама-қаршиликни бошламаган: "Биз буни нотўғри деб ҳисоблаймиз".

"Бугунги хабарим шуки, Европа Иттифоқи халқимиз ва фаровонлигимизни ҳимоя қилиш учун керак бўлган ҳамма нарсага эгамиз. Бизда энг катта ягона бозор бор. Бизда музокаралар олиб бориш кучимиз бор. Биз бунга қарши курашиш учун кучга эгамиз. Ва Европа халқи билиши керак: биргаликда биз доимо ўз манфаатларимиз ва қадриятларимизни олға сурамиз ва ҳимоя қиламиз", деб таъкидлади фон дер Леяйен.

Еврокомиссия раҳбари АҚШнинг янги тарифларига жавобан ЕИ ўзининг ички бозори ва бошқа ҳамкорлар билан муносабатларини ривожлантиришини қайд этди. "Европа Иттифоқи АҚШга қарши савдо чораларини кўрмоқчи эмас, лекин керак бўлса, шундай режага эга", - дея хулоса қилди Еврокомиссия раҳбари.