AFP нинг хабар берилишича, депортация маркази ташкил этилиши ҳақида 16 ноябр, душанба куни расман эълон қилиниши кутилмоқда. Келишувда Германия, Австрия, Греция, Дания ва Нидерландия иштирок этмоқда.
Ушбу депортация марказига бошпана бериш ҳақидаги аризаси рад этилган, аммо ўз ватанига қайтариб юбориш имкони бўлмаган одамлар жўнатилади. Марказ фаолияти Европарламент томонидан июн ойида маъқулланган мигрантларни депортация қилиш бўйича Европа Иттифоқининг янги регламентига асосланади.
Инсон ҳуқуқлари ҳимоячилари бундай марказларни ташкил этиш ғоясини танқид қилмоқда. Хусусан, Халқаро қутқарув қўмитаси вакили Марта Веландерга кўра, Евроиттифоқнинг янги регламенти мигрантларни ЕИ ҳудудидан ташқаридаги қамоқхона типидаги муассасаларда ҳибсда сақлашни одатий ҳолга айлантириб қўяди.
Аввалроқ Руандадан ташқари Европа Иттифоқидан депортация қилинадиганлар учун марказ жойлаштириши мумкин бўлган учинчи давлатлар сифатида Қозоғистон, Ўзбекистон ва Уганда ҳам кўриб чиқилгани хабар қилинган эди.
Актриса Барчин Ғофурова ва блогер "Кокош" қамалди
"Европаликлар Абу-Дабига келишибди — майли, меҳмонхоналарида ўтираверсинлар"
Россиядан АҚШга йўл олган учта дизель ташувчи танкер ҳам йўналишини ўзгартирди
