Нашрнинг ёзишича, Европа Иттифоқи давлатлари Москвага қарши санкцияларнинг 18-пакети доирасида Россия нефтига белгиланган нарх чегарасини пасайтириш имкониятини муҳокама қилган.
"Дастлаб янги нарх чегарасини 45 доллар даражасида белгилаш таклиф этилган, бироқ бу таклифга Греция, Малта ва Кипр қарши чиққан. Улар ўзларининг Россия нефтини ташишда иштирок этувчи кемачилик компаниялари зарар кўришидан хавотир билдирган", дея хабар бермоқда Bloomberg .
Эндиликда Брюсселда нарх чегарасини “сузувчи қиймат” асосида белгилаш варианти кўриб чиқилмоқда.
11 июл куни Евроиттифоқ элчилари учрашувида муҳокама қилинган механизмга кўра, 2022 йилда белгиланган бир баррел нефт учун 60 доллар даражасидаги қатъий чегара ўрнига, максимал нарх ҳар уч ойда автоматик тарзда янгиланадиган формулага асосан белгиланади.
Ушб формулага биноан, нарх чегараси нефтнинг сўнгги 10 ҳафтадаги бозор нархидан 15% паст бўлиши керак. Bloomberg манбасининг аниқлик киритишича, бу орқали нарх тахминан 50 долларга туширилади.
Агентлик суҳбатдошининг таъкидлашича, ҳали якуний қарор қабул қилингани йўқ ва янги санкциялар кучга кириши учун Евроиттифоққа аъзо барча давлатларнинг розилиги талаб этилади.
Дилшод Тўрахўжаев иши: Россия Ўзбекистонга нота йўллади
Машҳур блогер Абдурозиқ Дубай аэропортида ҳибсга олинди
"Германиянинг бирлашишига дарҳол рози бўлиб Горбачев хато қилган..."
