Эстония илк бор HIMARS артиллерия тизимини жанговар шароитда синовдан ўтказди

ERR нашрининг мамлакат Мудофаа вазирлигига таяниб хабар беришича, синов жараёни тўрт ойлик тайёргарликдан сўнг амалга оширилган.

"Машғулотлар Эстониянинг Сааремаа оролида ўтказилди. HIMARS тизимининг барча ракеталари 15 км масофада жойлашган денгиздаги нишонларга зарба берди", дея ёзмоқда ERR.

Эстония HIMARS тизимининг олти ускунасини 2025 йил 30 апрел куни қабул қилиб олган эди. Бу қадам мамлакат қуролли кучларини модернизация қилиш доирасидаги ҳаракатлардан бири ҳисобланади.