Эроннинг бир қанча шаҳарларидаги мактаблар ёпилди

. Инқирозни бошқариш бўйича минтақавий марказлар ва фавқулодда вазиятлар қўмиталари таълим муассасаларини вақтинча ёпишга қарор қилди, дея хабар беради ИРНА давлат ахборот агентлиги.

Тўфон мамлакатнинг ғарбий вилоятларини қамраб олди. Ғарбий Озарбайжон, Курдистон ва Занжон вилоятлари ҳамда Шарқий Озарбайжонда мактаблардаги дарслар бекор қилинди. Табризда барча давлат идоралари ва банклар иши вақтинча тўхтатилди.

Эрон метеорология хизмати маълумотларига кўра, яқин соатларда қум бўрони Алборз вилояти ва пойтахт Теҳронга ҳам тарқалиши мумкин.