Эрон фуқаролари қалбаки Италия паспорти билан Ўзбекистонга киришга уринишди. Бу ҳақда ДХХ Чегара қўшинлари хабар қилмоқда.
Хабарда ёзилишича, 3 ноябрь куни Тошкент халқаро аэропортида “Истанбул-Тошкент” йўналиши бўйича пойтахтга келган икки кишининг Италия давлатига тегишли фуқаролик паспортлари текширилган ва паспортлар қалбаки эканлиги аниқланган. Суриштирув ишлари натижасида ушбу шахслар аслида Эрон фуқаролари эканлиги маълум бўлган. Таъкидланишича, уларга Ўзбекистон қонунчилигида белгиланган тартибда чора кўрилган.
