Эрондан депортация қилинган афғонларни олиб кетаётган автобус ҳалокатга учради: ўнлаб ҳалок бўлди

2025 йил 19 август куни Ҳирот шаҳрида Эрондан депортация қилинган афғон муҳожирларини олиб кетаётган автобус йўл-транспорт ҳалокатига учради.

Ҳирот вилояти ҳокими матбуот котиби муфтий Муҳаммад Юсуф Саидийнинг CNN телеканалига маълум қилишича, шаҳар атрофидаги йўлда содир бўлган тўқнашув оқибатида камида 76 киши ҳалок бўлган.

Маълумотга кўра, автобус Афғонистон–Эрон чегараси яқинидаги Ислом-Қалъа шаҳридан йўлга чиқиб, пойтахт Кобулга йўналган бўлган.