Эрондаги уруш сабабли дунёдаги нефт захиралари рекорд даражада камайди

S&P Global Energy таҳлилчиларининг ҳисоб-китобларига кўра, апрел ойида нефт ҳажми кунига 6,6 миллион баррелга (ойига 200 миллион баррел) камайган, ваҳоланки нефтга бўлган талаб ҳам пасайган. Талаб кунига 5 миллион баррелга тушиб кетди — бу кузатувлар тарихидаги иккинчи энг йирик пасайишдир. Бундан кучлироқ пасайиш фақат COVID-19 пандемияси даврида кузатилган эди.

Goldman Sachs экспертларининг таъкидлашича, дунёдаги нефт захиралари сўнгги 8 йилдаги энг паст даражага яқинлашмоқда.

Argus агентлиги маълумотларига кўра, Шимолий Европада авиация ёқилғиси захиралари апрел ойида олти йиллик минимал кўрсаткичга тушган.

Financial Times нашрининг ёзишича, АҚШда таътиллар мавсумида бензин захиралари тарихий энг паст даражага етиши мумкин.

Яқин Шарқдаги уруш ва Хўрмуз бўғозининг блокада қилиниши сабабли нефт бозорига аллақачон 1 миллиард баррел нефт етиб келмади. Трейдерлар критик нуқта яна бир неча ҳафтадан кейин келиши мумкинлигидан огоҳлантирмоқда.

S&P Global Energy вакили Жим Буркхарднинг сўзларига кўра, бозор ҳали захираларнинг рекорд даражада қисқаришига муносабат билдиргани йўқ, шунинг учун "нефт нархининг кўтарилиши ҳали олдинда", дейилади хабарларда.