Эрондаги норозилик намойишлари қурбонлари сони 116 нафарга етди

Эронда иқтисодий муаммолар ортидан келиб чиққан норозилик намойишларида ҳалок бўлганлар сони 116 нафарга етди. Бу ҳақда АҚШда жойлашган Инсон ҳуқуқлари фаоллари ахборот агентлиги (HRANA) хабар берди.

Маълумотларга кўра, норозилик акциялари 14 кундан бери давом этмоқда. Ҳалок бўлганлар орасида 37 нафар хавфсизлик ходими, тўрт нафар тиббиёт ходими ва бир нафар прокурор бор. Яна 2600 дан ортиқ киши жароҳат олган, 2638 нафардан зиёд фуқаро ҳибсга олинган.

Эрон расмийлари ҳалок бўлганлар ва яраланганлар бўйича ҳозиргача расмий маълумот бермади. Бир кун аввал HRANA қурбонлар сони 66 нафар эканини маълум қилган эди.

Норозилик намойишлари 2025 йил 28 декабрь куни Теҳрондаги Кatta бозорда бошланиб, кейинчалик мамлакатнинг бошқа шаҳарларига тарқалган. Намойишлар кучайиши ортидан мамлакат бўйлаб интернетга кириш чекланган.