Эронлик мухолифатчи журналист Ваҳид Кеҳризек шаҳридаги суд-тиббиёт марказидан олинган суратларни эълон қилди. Тасвирларда — норозилик намойишлари пайтида ҳалок бўлган фуқароларнинг жасадлари акс этган.
Кеҳризек — Эроннинг шимолида жойлашган, аҳолиси тахминан 37 минг кишини ташкил этувчи кичик шаҳар. Маълум бўлишича, намойишларда ҳалок бўлганларнинг жасадлари айнан шу ерга олиб келинмоқда.
Суратлар шанба куни, 10 январь санасида олинган.
Ваҳид гувоҳ сўзларини келтиради:
«Мен интернетга уланиш ва ушбу кадрларни юбориш учун минг километр йўл босиб келдим. Улар жасадларни контейнерларга ташлашмоқда. Фақат ўша кунининг ўзида ерда сочилиб ётган 2000 нафардан ортиқ жасад бор эди. Биз келганимизда бир контейнер тўлиқ юкланган эди. Одамлар яқинларининг жасадларини топганида, суд-тиббиёт ходимлари ўқдан етган жароҳатларни қайд этиб, кодланган рухсатнома беришар, шундан сўнг оилалар навбатга туришар эди».
Шу орада Эрон Соғлиқни сақлаш вазирлигининг юқори лавозимли амалдори The New York Times нашрига бутун мамлакат бўйлаб тахминан 3000 нафар инсон ҳалок бўлганини маълум қилди ва қурбонлар сони янада ортиши мумкинлигини қўшимча қилди.
"Тез орада Ватанимга қайтишга ҳозирлик кўрмоқдаман"
Италия Бош вазири: "Европа ва Россия ўртасидаги мулоқотни қайта тиклаш вақт келди, акс ҳолда Путиннинг қўлида ўйнаймиз"
Пропан нархининг кўтарилиши бўйича баёнот эълон қилинди
