Эрон вице-президентининг рафиқаси Теҳронда автоҳалокатда вафот этди

Эрон вице-президенти Эсмоил Сағаба Эсфаҳонийнинг рафиқаси Гармсар-Теҳрон трассасида содир бўлган ЙТҲда вафот этди.

Бу ҳақда Fars нашри хабар бермоқда.

Агентлик маълумотларига кўра, сиёсатчининг оила аъзолари бўлган автомобиль шимолий Семнан провинциясида юк машинаси билан тўқнашиб кетган. Аёл воқеа жойида вафот этди, унинг уч фарзанди ва отаси даволаниш учун Гармсардаги тиббиёт марказига олиб кетилди, у ердан Теҳрондаги тиббий муассасага эвакуация қилинди.

Воқеа ҳақида бошқа тафсилотлар келтирилмаган.