Эрон ва АҚШ ўртасидаги музокараларда асосий тўсиқ бўлиб Теҳроннинг ядро дастури қолмоқда – WSJ

Газета маълумотларига кўра, Эрон Қўшма Штатларнинг таклифига ўз жавобини Покистондаги воситачилар орқали йўллаган.

АҚШ ташаббуси Эрон ядро дастурини амалда музлатиб қўйишни назарда тутади, яъни ядровий қурол яратишдан воз кечиш, ядровий объектларнинг бир қисмини қисмларга ажратиш ва уранни бойитишни 20 йил муддатга тақиқлаш.

Бунга жавобан Теҳрон аввал ҳарбий ҳаракатларни тўхтатиш ва ядро дастури бўйича 30 кунлик музокараларни бошлашни таклиф қилган. Шунингдек, Теҳрон Эрон кемалари ва портларидан чекловлар олиб ташланиши эвазига юқори даражада бойитилган уран захираларини қисман учинчи давлатга олиб чиқишга ва Хўрмуз бўғозини босқичма-босқич очишга тайёр.

Эслатиб ўтамиз, кеча Путин Россия Эроннинг бойитилган уран захираларини ўз ҳудудида қабул қилишга рози эканини тасдиқлаган эди. Шу билан бирга, нашрга кўра, Вашингтон ядровий инфратузилма ва уран захираларининг тақдири бўйича мажбуриятларни олдиндан мустаҳкамлаб қўйишни талаб қилмоқда, Эрон эса бу масалаларни фақат ўт очиш тўхтатилганидан кейин муҳокама қилишни таклиф этмоқда.