Эрон ва АҚШ ўртасидаги бўлажак учрашув келишув имзоланиши билан якунланиши мумкин. Вашингтон ва Теҳрон ўртасидаги музокараларда воситачилик қилаётган Покистондаги манба «Reuters» агентлигига парда ортидаги дипломатияда ижобий силжиш борлигини маълум қилди.
Унинг маълумотларига кўра, дастлаб томонлар ўзаро англашув меморандумини имзолайдилар, сўнгра 60 кун ичида кенг қамровли битим тузилади.
«Батафсил шартнома кейинроқ тайёрланади. Ҳозирда ҳар икки томон принципиал жиҳатдан рози, техник деталлар эса кейинроқ келишиб олинади», — дея иқтибос келтиради агентлик ўз суҳбатдошининг сўзларидан.
Дипломатик манбанинг қўшимча қилишича, асосий покистонлик воситачи — армия штаби бошлиғи, фельдмаршал Осим Мунир 15 апрелдан бери Теҳронда музокаралар олиб бормоқда ва «энг мураккаб масалалар бўйича муваффақиятга эришган».
Уганда президентининг ўғли Туркиядан 1 млрд доллар ва энг гўзал қизни талаб қилмоқда
Хитой АҚШни огоҳлантирди
Эрон Ҳарбий-денгиз кучлари АҚШ эсминецларини Ҳўрмуз бўғозидан чиқариб юборди
