Эрон ТИВ Трампнинг Теҳрон АҚШ билан музокараларга тайёрлиги ҳақидаги баёнотларини рад этди

Эрон Ташқи ишлар вазирлиги АҚШ президенти Дональд Трампнинг Теҳрон Вашингтон билан музокараларга қизиқиш билдиргани ҳақидаги баёнотларини рад этди.

Бу ҳақда Эрон ТИВ расмий вакили Эсмоил Бағий маълум қилди.

"Биз Америка томондан учрашув бўйича ҳеч қандай сўров олганимиз йўқ", деб таъкидлади Бағий ва Трампнинг баёнотларини Қўшма Штатларга ишонч йўқолиши фонида куч кўрсатишга уриниш деб атади.

Бир кун аввал Трамп Теҳроннинг тинч мулоқотдан манфаатдорлигига ишонч билдирган ҳолда, АҚШ Эрон билан музокаралар ўтказишга келишиб олганини айтди. У, шунингдек, Эрон ядровий дастури тўлиқ бартараф этилгани ва буни МАГАТЭ томонидан тасдиқлангани ҳақидаги аввалги баёнотларини такрорлади.

Бундан ташқари, айрим ОАВлар Трампнинг вакили Стив Уиткофф яқин вақт ичида Эрон делегацияси билан учрашув ташкил этиш режасини маълум қилгани ҳақида хабар берди.