Эрон ТИВ раҳбари АҚШни «ноқонуний уруш»да айблади ва компенсация талаб қилди

Эрон қуролли кучлари Америка маъмурияти раҳбари Дональд Трамп ушбу можаро хато эканлигини англаб етмагунча ўт очишда давом этади.

Бу ҳақда Эрон Ташқи ишлар вазири Аббас Аракчи Х ижтимоий тармоғида маълум қилди. У ушбу можаро қайта такрорланмаслиги кераклигини алоҳида таъкидлади.

«Бизнинг қудратли қуролли кучларимиз АҚШ Президенти ҳам эронликларга, ҳам америкаликларга танглаётган ноқонуний уруши хато эканлигини ва у ҳеч қачон такрорланмаслиги кераклигини тушуниб етмагунча ўт очишда давом этади», — деб ёзди Аракчи ва барча жабрланганларга компенсация тўланиши кераклигини қўшимча қилди.