Эрон терма жамоаси Трампнинг ЖЧда иштирок этишига оид сўзларидан кейин баёнот берди

Эрон миллий терма жамоаси матбуот хизмати АҚШ президенти Дональд Трампнинг 2026 йилги жаҳон чемпионатида жамоа иштирок этиши мақсадга мувофиқ эмаслиги ҳақидаги гапларидан сўнг баёнот билан чиқди. Трамп буни Эрон терма жамоаси хавфсизлигига таҳдид бўлиши мумкинлиги билан изоҳлаган эди.

«Жаҳон чемпионати — халқаро миқёсдаги тарихий тадбир бўлиб, унинг ташкилотчиси алоҳида бир мамлакат эмас, балки ФИФА ҳисобланади. Эрон терма жамоаси ҳам ушбу турнирга тўлиқ ҳақли равишда ва изчил ғалабалар орқали сараланиб, ушбу буюк мусобақага йўлланма олган илк жамоалардан бири бўлди.

Албатта, ҳеч ким Эрон терма жамоасини жаҳон чемпионатидан четлаштира олмайди. Аксинча, ушбу тадбирда иштирок этаётган жамоалар хавфсизлигини таъминлай олмайдиган, фақат «мезбон» мақоминигина кўтариб юрган мамлакатни четлаштириш керак», — дейилади Эрон терма жамоасининг ижтимоий тармоқдаги баёнотида.