Эрон Ташқи ишлар вазирлиги БМТ Бош котиби ва Хавфсизлик Кенгашини Қўшма Штатлар ва Исроилнинг ҳаракатларига қарши зудлик билан чоралар кўришга чақирди.
Бу ҳақда Эрон Ташқи ишлар вазирлиги баёнотида айтилмоқда.
"Бугун эрталаб, Наврўз арафасида ва муқаддас Рамазон ойининг ўнинчи кунида, Исроил Эроннинг ҳудудий яхлитлиги ва миллий суверенитетини қўпол равишда бузиб, мамлакатимизнинг турли шаҳарларидаги бир қатор нишонларга, мудофаа иншоотларига ва фуқаролик инфратузилмасига ҳужум қилди", дейилади баёнотда.