Эрон олий раҳбарининг сиёсий масалалар бўйича маслаҳатчиси Муҳаммад Боқир Зулқадр АҚШ президенти Дональд Трамп ва Исроил бош вазири Биньямин Нетаньяху ҳокимиятдан кетмагунча Ҳўрмуз бўғози очилмаслигини билдирди.
"Жангчиларимиз жиноятчи Трамп ва Нетаньяху ҳокимиятдан кетмагунча Ҳўрмуз бўғозини очмайди. Бу Эрон халқининг қасос олиш йўлидаги биринчи босқичидир", — деди Зулқадр. Унинг сўзларини ISNA агентлиги келтирмоқда.
АҚШ ва Исроил 28 февралда Эрон ҳудудидаги объектларга зарбалар беришни бошлаган, Теҳрон эса жавоб ҳужумларини амалга оширган. Июнь ойи ўрталарида Теҳрон ва Вашингтон жанговар ҳаракатларни тўхтатиш бўйича вақтинчалик келишувга эришган, аммо кейинчалик томонлар ўртасидаги тўқнашувлар яна давом этган.
Ҳозирда можаро ҳал этилмаганича қолмоқда.
Кескинлик кучайиши фонида Ҳўрмуз бўғози орқали кема қатнови кескин камайган. Бўғоз жаҳон бозорига нефть, нефть маҳсулотлари ва суюлтирилган табиий газ етказиб беришдаги энг муҳим денгиз йўлларидан бири ҳисобланади.
Можаро оқибатида Ҳўрмуз бўғози орқали ҳаракат чекланиши жаҳон энергетика бозорига ҳам таъсир кўрсатиб, бир қатор мамлакатларда ёқилғи нархларининг ошишига сабаб бўлди.
АҚШ Эронда қулаган F-15E учувчиларини эвакуация қилиш операцияси кадрларини махфийликдан чиқарди
Бошланғич синф қизлари учун ҳижобни тақишни тақиқлаш таклиф қилинмоқда
Саудия Арабистони Исроилдан ёрдам сўради
