АҚШ президенти Жо Байден маъмурияти расмийлари Эрон президент Иброҳим Раисий ҳалок бўлган вертолёт ҳалокатида АҚШ ёки Исроилни айблаши мумкинлигидан хавотирда. Бу ҳақда РИА Новости "Politico" газетасига таяниб хабар берди.
“Байден маъмурияти расмийлари ҳанузгача Эрон Иброҳим Раисий ҳалок бўлган вертолёт ҳалокатида АҚШ ёки Исроилни айблаши мумкинлигидан хавотирда”, — дейилади хабарда.
Оқ уй минтақавий статус-кво сақланиб қолишини кутмоқда, бироқ айни пайтда Эроннинг айбловлари Исроил билан зиддиятнинг кучайишига олиб келиши мумкинлигидан хавотирда. Нашрнинг ёзишича, Америка расмийлари бир кун аввал йўқолган вертолёт ҳақидаги хабарни хавотир билан кузатиб, бу Яқин Шарқдаги динамикани қандай ўзгартириши мумкинлиги ҳақида ўйлашган.
Теҳрон тезда Исроил ва Қўшма Штатларни саботажда айблаши мумкинлигидан хавотирлар бор эди, дейди юқори мартабали манбалар. Суҳбатдошлардан бири бир мунча вақт "Учинчи жаҳон уруши наҳотки шундай бошланади?", деган савол ақлдан оздирувчи ҳисобланмаганини айтди.