Эрон президенти ва Олий раҳбар ўртасида сулҳ музокаралари бўйича қарор қабул қилинган

Бу ҳақда The New York Times маълум қилди.

Хабарларга кўра, Эрон президенти Масъуд Пезешкиён АҚШ билан музокаралар ва сулҳга рози бўлиш масаласида Олий раҳбар Оятуллоҳ Мужтаба Хоманаийни кўндиришда муҳим роль ўйнаган. Пезешкиён АҚШ денгиз блокадаси туфайли Эрон иқтисодиёти инқироз ёқасига келиб қолганини билдириб, келишув рад этилса истеъфога чиқишини ҳам айтган.

Марказий банк раҳбари ҳам мамлакатда бир неча ҳафта ичида озиқ-овқат ва дори-дармон тақчиллиги юзага келиши мумкинлиги ҳақида огоҳлантирган. Шундан сўнг, Олий раҳбар Миллий хавфсизлик кенгаши қўллаб-қувватлаган музокараларга рухсат берган, гарчи у шахсан келишувга қарши бўлганини билдирган бўлса ҳам.