2013-2021 йилларда исломий республика ташқи ишлар вазири бўлиб ишлаган ва АҚШ билан муносабатларни нормаллаштириш тарафдори бўлган Эроннинг стратегик масалалар бўйича вице-президенти Муҳаммад Жавод Зариф истеъфога чиқиш ҳақидаги мактубига қарамай ўз лавозимида қолади.
Бу ҳақда у "Х" ижтимоий тармоғидаги саҳифасида маълум қилди.
"Президент Масуд Пезешкиан билан батафсил маслаҳатлашувлардан сўнг ва унинг ёзма буйруғига амал қилиб, Худога ишониб, халқнинг ёрдами ва йўл-йўриғига умид қилиб, президентнинг стратегик масалалар бўйича ўринбосари сифатидаги вазифамни бажаришда давом этаман", — деб ёзди Зариф.
Бугун у мамлакат олий раҳбари Оятуллоҳ Али Хоманаийнинг янги ҳукумат билан биринчи учрашувида иштирок этди.
11 август куни, атиги ўн кунлик вице-президентликдан сўнг Зариф президентга истеъфога чиқиш ҳақида ариза берганини эълон қилди. У ўз қарорини маслаҳат кенгаши раҳбари сифатидаги "ўз ишидан норозилиги" билан изоҳлади.
Усейн Болт, Криштиану Роналду ва туяқуш ўртасидаги пойгада ким ғалаба қозонади?
Офицерлар оммавий равишда ишдан бўшамоқда
Украина Америка вертолётларини нишонга олди
