Эрон президенти Масъуд Пизишкиён мамлакат пойтахтини Теҳрондан жанубга кўчиришдан бошқа чораси қолмаганини билдирди. Сабаб — шаҳарнинг ҳаддан ташқари кенгайиши, етарли сув таъминотининг йўқлиги ва тобора кучайиб бораётган ер чўкиши таҳдиди.
Масъуднинг айтишича, у бу таклифни ўтган йили олий диний раҳбар Оятуллоҳ Али Хоманаий билан муҳокама қилган. Таклиф қаттиқ танқидларга учраган бўлса-да, президент ресурслар инқирози шунчалик чуқурлашганини таъкидладики, энди Эрон пойтахтни кўчиришга мажбур.
«Бу ҳудуд Форс кўрфази қирғоқларида жойлашган ва очиқ сув йўлларига тўғридан тўғри чиқиш имконини беради. Савдо ва иқтисодий алоқаларни ривожлантириш учун улкан салоҳият бор», деди президент Дубайнинг қарши томонида жойлашган Ҳормозгон вилоятига ташрифи чоғида.
Унинг сўзларига кўра, Эронни ҳозир қийнаётган муаммолар ривожланиш йўлини Форс кўрфазига буришни талаб қилмоқда. «Теҳрон, Караж ва Қазвин сув инқирозига юз тутмоқда ва бу муаммони оддий йўл билан ҳал қилиб бўлмайди», деди у.
Б Авваллари Теҳрон сувининг 70 фоизи тўғонлардан, 30 фоизи эса ер ости манбаларидан олинарди. Лекин паст ёғингарчилик ва буғланишнинг ортиши натижасида тўғонлардан олинадиган сув қисқариб, босим ер ости сувларига тушмоқда.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Қаршида саунада фаолият юритган фоҳишахона аниқланди
