Эрон осмонида яна еттита АҚШ ва Исроил дронлари уриб туширилди

Эрон ҳаво ҳудудида яна еттита АҚШ ва Исроил дронлари йўқ қилинди.

Бу ҳақда Эрон ҳарбий баёнотига таяниб хабар берди.

Маълумотларга кўра, сўнгги соатларда MQ-9, Heron, Hermes ва Orbiter учувчисиз учиш аппаратлари уриб туширилган.

"Ушбу учувчисиз учиш аппаратлари Табриз, Теҳрон, Исфаҳон, Хоррамабод ва Бушеҳр ҳудудларида ҳаво мудофааси тизимлари томонидан йўқ қилинди", дейилади баёнотда. Эрон ҳарбийларининг маълумотларига кўра, уриб туширилган учувчисиз учиш аппаратларининг умумий сони 29 тага етди.

28 февраль куни АҚШ ва Исроил Эронга қарши ҳарбий операцияни бошладилар ва мамлакат шаҳарларига ҳаво ҳужумларини бошладилар. Эрон бунга жавобан Исроил ҳудудига ракеталар отди. Бундан ташқари, Эрон кучлари Яқин Шарқнинг бир қатор мамлакатларида жойлашган АҚШ ҳарбий базаларига ҳужум қилди. Яқин Шарқдаги вазият туфайли минтақадаги бир нечта мамлакатлар ўз ҳаво ҳудудларини вақтинча ёпиб қўйишди. Эроннинг Олий раҳбари Оятуллоҳ Али Хоменеи 28 февраль куни АҚШ ва Исроил ҳаво ҳужумларида иш жойида ҳалок бўлди.