Шарқшунос Кирилл Семеновга кўра, Эрон кўплаб НАТО давлатлари билан ҳамкорлик қилишга тайёр.
Унинг таъкидлашича, Теҳрон дўстона мамлакатлар билан кемаларнинг Ҳормуз бўғозидан ўтиши бўйича келишувлар тузиши мумкин. Бунда давлатнинг НАТО аъзоси экани ҳал қилувчи омил эмас.
Масалан, Туркия ёки айрим Европа давлатлари билан музокаралар олиб бориш ва уларнинг кемаларига рухсат бериш эҳтимоли бор. Бироқ бу давлатлар Эронга қарши ҳарбий ҳаракатларда иштирок этмаслиги шарт.
Шу билан бирга, эксперт ўтиш учун тўлов масаласини муҳокама қилишга ҳали эрта эканини қайд этди. Унинг айтишича, бу жараён нафақат Эрон, балки Уммон томонидан ҳам тартибга солинади.
