Аввалроқ АҚШ президенти Доналд Трамп, агар Ҳўрмуз бўғози 48 соат ичида очилмаса, Эрондаги барча электр станцияларини йўқ қилиш билан таҳдид қилган эди.
"Агар Қўшма Штатларнинг Эрон электр станцияларига нисбатан таҳдидлари амалга оширилса, Ҳўрмуз бўғози тўлиқ ёпилади ва вайрон қилинган электр станцияларимиз тикланмагунча очилмайди", дейилади Ислом инқилоби қўриқчилари корпуси баёнотида.
Баёнотда, шунингдек, Исроилнинг энергетика ва IT инфратузилмасига ҳамда Яқин Шарқ минтақасидаги АҚШ базалари жойлашган мамлакатлардаги электр станцияларига ва сувни чучуклаштириш объектларига зарба бериш таҳдиди ҳам билдирилган.
Шу билан бирга, Теҳрон расмийлари Ҳўрмуз бўғози ҳозирча барча кемалар учун очиқ эканини, фақат “Эрон душманлари”га алоқадор бўлганлар бундан мустасно эканини айтмоқда.
Kpler мониторинг хизмати маълумотларига кўра, сўнгги уч ҳафтада бўғоз орқали ўтган кемалар сони нисбатан анча кам бўлиб, урушдан олдинги ҳажмнинг тахминан беш фоизини ташкил этган.
Эронда 19 ёшли спортчи дорга осиб қатл этилди
Эрон АҚШнинг F-35га қандай ракета билан зарба берганини кўрсатди
Эрон Трампнинг Ҳормуз бўғозини очиш ҳақидаги ультиматумига жавоб берди
