Доналд Трамп Эрон раҳбарияти музокаралар ўтказишни сўраб, ўзига мурожаат қилганини билдирди. АҚШ президенти бу ҳақда 11 январ куни Air Force One самолёти бортида журналистларга маълум қилди.
"Эрон раҳбарлари қўнғироқ қилди. Улар музокара олиб боришни истайди. Учрашув ташкил этиляпти", — деди Оқ уй раҳбари.
Шу билан бирга, Трамп "эҳтимол, учрашувга қадар биз ҳаракат қилишимизга тўғри келиши мумкин", дея қўшимча қилди, аммо тафсилотларни очиқламади.
Эрон расмийлари ҳозирча АҚШ президентининг баёнотлари юзасидан изоҳ бергани йўқ.
HRANA ҳуқуқни ҳимоя қилувчи ташкилоти маълумотларига кўра, Эронда 28 декабрдан бери давом этаётган намойишлар вақтида 500 нафардан ортиқ киши ҳалок бўлган ва 10 600 нафардан зиёд одам ушланган.
Ванганинг «башоратлари»: Учинчи жаҳон уруши 2026 йилда бошланади
АҚШда оммавий намойишлар бошланиб кетди
"Россия ва Хитой қўрқадиган ягона давлат бу АҚШ"
