Эрон футбол терма жамоасига АҚШга фақат ўйин кунлари киришга рухсат берилди

Эроннинг Мексикадаги элчиси Абулфазл Пасандидегнинг сўзларига кўра, Эрон терма жамоасига Қўшма Штатларга фақат ўйин ўтказиладиган кунлари киришга рухсат берилган ва улар ўша куннинг ўзида мамлакатни тарк этишлари шарт.

​Бу йилги Жаҳон чемпионатига АҚШ, Мексика ва Канада мезбонлик қилади ва турнир 11 июнда бошланади. Эрон терма жамоаси гуруҳ босқичидаги барча учта ўйинини Қўшма Штатларда ўтказиши керак, FIFA ушбу ўйинларни Мексикага кўчириш ҳақидаги таклифни рад этган.

24 май куни FIFA Эрон терма жамоасининг Жаҳон чемпионати учун базасини АҚШдан Мексикага кўчириш ҳақидаги қарорни маъқуллаган эди.