Эроннинг Москвадаги элчиси Казем Жалолийнинг айтишича, Исроил ва Фаластиннинг ҲАМАС ҳаракати ўртасидаги можаро бошланганидан бери Россиянинг позицияси муносиб бўлган.
Бу ҳақда у Nour News агентлигига берган интервьюсида айтиб ўтди.
“Исроил режимининг Ғазо аҳолисига нисбатан шафқатсиз ҳужумлари бошиданоқ Россиянинг позицияси муносиб эди”, — дея элчидан иқтибос келтиради РИА Новости.
Жалолий 7 октябрь куни Яқин Шарқдаги можаро бошланганидан кейин Фаластин учун адолат талаб қилган Россия президенти Владимир Путиннинг сўзларини эслади.
