Эрон АҚШ билан ядровий музокараларни қайта бошлаш таклифларини олди

Эрон Ташқи ишлар вазирлигига АҚШ билан ядровий дастур бўйича музокараларни қайта бошлаш ҳақидаги таклифлар келиб тушди.

Бу ҳақда Эрон ОАВларига таяниб, “Report” хабар берди.

Манбаларнинг маълум қилишича, Теҳрон яқин вақт ичида Америка томони таклифларининг мазмуни ва моҳияти ҳақида маълумот беради.

Аввалроқ АҚШ расмийлари Уммон орқали Эронга ёз ойларида узилиб қолган мулоқотни қайта тиклаш бўйича таклиф юборгани ҳақида хабар қилинган эди.