Эрон ташқи ишлар вазирлиги иқтисодий дипломатия бўйича ўринбосари Ҳамид Қанбарий хорижий ОАВда тарқалган “Эрон активлари музлатилгани” ҳақидаги маълумотларни рад этди.
Унга кўра, Европа Иттифоқининг “snapback” механизми доирасида жорий этилган янги санкциялар фонида хорижий банкларда музлатилиши мумкин бўлган ҳисобларда муҳим маблағлар мавжуд эмас эди.
“Банклар бундай қарорни олдиндан кутган, шунинг учун бу ҳисоблар ё бош эди ёки фақат минимал маблағ сақланган. Аслида Эроннинг муҳим молиявий активлари блокланмаган”, — дея таъкидлади Қанбарий.
Дипломатнинг сўзларига кўра, АҚШ санкциялари туфайли сўнгги йилларда Европа компаниялари Эрон билан иқтисодий ҳамкорликни кескин қисқартирган. Шу боис янги қарор мамлакат иқтисодиётига сезиларли таъсир кўрсатиши кутилмайди.
“Шунга қарамай, бирор санкцияни мутлақо самарасиз деб баҳолаш тўғри эмас. Муҳими — воқеликни холис баҳолаш ва халқимизга ҳақиқатни айнан қандай бўлса, шундай етказишдир”, — деди Қанбарий.
Тошкент вилоятида поезд релсдан чиқиб кетди
Нетаньяхунинг нутқини Ўзбекистон ҳам бойкот қилган. БАА эса йўқ
Германия канцлери: "Германия энди тинчликда яшамайди"
