Эрлинг Холанд ушбу кўрсаткич бўйича АПЛдаги энг яхши натижани қайд этмоқда

«Манчестер Сити» ҳужумчиси Эрлинг Холанд Англия Премьер-лигасининг 17-турида «Вест Хэм»га қарши баҳсда (3:0) ҳисобни очди.

Шу тариқа, норвегиялик форвард жорий мавсумда АПЛда ўз жамоасининг биринчи голини 10-учрашувда киритди. Бу Англия чемпионатида катта фарқ билан энг юқори натижа ҳисобланади. Бу ҳақда Opta Sport’нинг X ижтимоий тармоғидаги аккаунти хабар берди.

Холанд, шунингдек, «шаҳарликлар»нинг биринчи голини «Вулверхэмптон» (4:0), «Брайтон» (1:2), «Арсенал» (1:1), «Брентфорд» (1:0), «Эвертон» (2:0), «Борнмут» (3:1), «Ливерпуль» (3:0), «Фулхэм» (5:4) ва «Кристал Пэлас» (3:0) жамоаларига қарши ўйинларда ҳам киритган.

Қайд этилишича, 2025/2026 йилги мавсумда ҳеч бир футболчи АПЛнинг бештадан ортиқ учрашувида ҳисобни очмаган.

Жорий мавсумда 25 ёшли Эрлинг Холанд Англия чемпионатида клуб сафида 17 та ўйин ўтказиб, 19 та гол урди ва 3 та голли узатма амалга оширди.