Эрдўғон: "Туркия Қрим татарларига ёрдам беришда давом этади"

Туркия Қрим татарларига ёрдам беришда давом этади.

Бу ҳақда Туркия президенти Ражаб Тоййиб Эрдўғон Анқарада украиналик ҳамкасби Владимир Зеленский билан ўтказилган қўшма брифингда маълум қилган.

Туркия раҳбари Зеленский билан бир қатор икки томонлама масалаларни муҳокама қилганини таъкидлади:

"Биз стратегик ҳамкоримиз Украинанинг ҳудудий яхлитлиги, суверенитети ва мустақиллигини қўллаб-қувватлашимизни яна бир бор таъкидладик. Шунингдек, Украина билан тарихий ва маданий алоқаларга эга бўлган Қрим татарларини қўллаб-қувватлашда давом этишимизни ҳам қайд этмоқчиман".