Эрдўғон Россия ва Украина ўртасидаги музокараларни Истанбулда ўтказишни таклиф қилди

Туркия президенти Ражаб Тоййиб Эрдўғон "хоҳловчилар коалицияси" йиғилишида унинг мамлакати адолатли ва барқарор тинчликка тезда эришиш учун томонлар ўртасида тўғридан-тўғри алоқаларни йўлга қўйиш бўйича дипломатик саъй-ҳаракатларини давом эттиришини таъкидлади.

Бу ҳақда Туркия президенти маъмуриятининг алоқа бошқармаси бошлиғи Бурҳониддин Дуран Х ижтимоий тармоқида ёзди.

Дуран, Эрдўғоннинг учрашувда томонлар ўртасида тўғридан-тўғри музокаралар Истанбулда бўлиши мумкинлигини таъкидлаганини ва бу мақсадда Туркиянинг Украина ва Россия билан алоқаларини давом эттираётганини билдирди.

“Учрашувда Туркия энергетика ва порт инфратузилмасини қамраб олган оташкесим томонлар ўртасида кенг қамровли тинчлик келишувини муҳокама қилиш учун қулай шарт-шароит яратадиган тартибга солиш механизмига айланиши мумкинлиги ҳақидаги ўз позициясини билдирди”, деди Дуран.