Эрдўғон: Исроил Ғазо бўйича келишувларни бузишига йўл қўймаслик керак

Туркия президенти Ражаб Тоййиб Эрдўған Фаластиннинг ҲАМАС ҳаракати ва Исроил ўртасида Ғазода ўт очишни тўхтатиш бўйича келишувлардан мамнунлигини билдирди. Энди яҳудий давлати ушбу келишувларни бузишига йўл қўймаслик муҳим, деди у Анқарадаги музокаралар якунида мўғул ҳамкасби Ухнаагийн Хурэлсух билан.

Ҳозирда биз олдида жуда муҳим вазифалар турибди: Ғазода Исроил томонидан келтирилган кенг кўламли вайронагарчиликларни бартараф этиш, минтақага инсонпарварлик ёрдамини етказиб бериш. Исроил ҳукумати эришилган келишувларни бузмаслиги ва ўт очишни тўхтатиш режимини суиистеъмол қилмаслигини таъминлаш муҳим," - деди Эрдўған.

TRT Haber телеканали орқали узатилган нутқида Туркия раҳбари таъкидлашича, Ғазо аҳолиси Исроил тажовузи натижасида 50 мингдан ортиқ одам, асосан аёллар ва болаларнинг ҳалок бўлишига қарамай, золимга бўйсунмаган.

"Энди биз Ғазода ўт очишни тўхтатиш тартибига риоя этилишини таъминлаш ва яраларни даволаш учун кўпроқ саъй-ҳаракат қилишимиз лозим. Халқаро ҳамжамият Ғазо аҳолиси олдидаги ўзининг ҳуқуқий ва ахлоқий бурчини бажариши шарт," - деди у.

Эрдўғон, шунингдек, Яқин Шарқда тинчликни таъминлаш фақатгина 1967 йил чегараларида, пойтахти Шарқий Қуддус бўлган мустақил Фаластин давлати ташкил этилган тақдирдагина мумкин, деган фикрни билдирди.