Эл-Фашер: Суданда вазият “ўта оғир”, 40 минг киши қочди

БМТ Суданнинг Эл-Фашер шаҳридаги вазиятни “ўта оғир” деб баҳолади. Бир ой ичида Кордофан минтақасидан тахминан 40 минг киши уйини тарк қилишга мажбур бўлди.

Бош котиб вакили Стефан Дюжаррик таъкидлаганидек, тинч аҳолини ҳимоя қилиш барча музокараларда биринчи ўринда туриши керак. Жаҳон озиқ-овқат дастури (WFP) қочқин оилаларга ёрдам бермоқда: 1485 тонна озиқ-овқат Шимолий штатдаги ал-Дабба орқали Тавилага етказилмоқда, бу тахминан 130 минг кишига етади.

Судандаги можаро 2023 йил апрелдан бери армия ва Тезкор ҳаракат кучлари орасида давом этмоқда. Дарфур минтақасидаги Эл-Фашер шиддатли жанглардан сўнг асосан RSF назоратига ўтди, ўн минглаб одамлар шаҳарни тарк этди.