ЕИнинг Россияга қарши янги санкциялар пакетига 30 нафар шахс ва 64 та ташкилот киритилади

Бу ҳақда “Озодлик радиоси” хабар бермоқда.

Хабар берилишича, рўйхатга тахминан 20 та рус банки, жумладан “Русский стандарт”, “Авангард”, “Почта Банк” ва "Металлинвестбанк" киритилиши режалаштирилган.

Шунингдек, ҳужжатда иқтисодчи ва Халқаро шахмат федерацияси (FIDE) президенти Аркадий Дворкович, Россия Кураш Федерацияси президенти Михаил Мамиашвили, Россия Олимпия қўмитаси раҳбари Станислав Поздняков ва боксчи Федор Чудинов номлари ҳам тилга олинган.

Рўйхатда Эрмитаж раҳбари Пиотровский ва репер Тимати, Россия радиация, кимё ва биологик ҳимоя қўшинлари бошлиғи Алексей Ртишев ва унинг ўринбосари Андрей Марченко, “Алабуга” махсус иқтисодий зонасининг директори Тимур Шагивалеeв ҳам мавжуд.

Санкциялар лойиҳасида “Калашников” концерни конструктори бош директори Владимир Лепин ва “Ростех”нинг шўба корхоналари, СИБЕР ҳолдинг ва “Технодинамика” компанияси бошқарувчилари номлари ҳам келтирилган.

Reuters'нинг аниқлик киритишича, Россия нефтининг "кулранг экспорти"га хизмат кўрсатувчи Грузиянинг Кулеви ва Индонезиянинг Каримун портлари ҳам санкциялар остида қолиши мумкин.