Европа Иттифоқи Туркия орқали Сурия аҳолисига гуманитар ёрдам етказилишига ёрдам берадиган ҳаво кўпригини ишга туширмоқда. Европа Иттифоқининг Дубайдаги омборларидан 50 тонналик тиббий буюмларнинг биринчи партияси Туркиянинг Адана шаҳрига етказилади, улар яқин кунларда Сурияга тарқатилади, деб хабар қилди Европа комиссияси 13 декабрь, жума куни.
Яна 46 тонна гуманитар ёрдам юк машинасида Даниядан Аданага олиб кетилади ва Сурияда тарқатиш учун ЮНИСEФ ва Жаҳон соғлиқни сақлаш ташкилоти ходимларига топширилади. Етказиб беришлар озиқ-овқат, дори-дармон ва вақтинчалик уй-жой учун материалларни оʼз ичига олади, деди Европа комиссияси раиси Урсула фон дер Ляйен. Унинг сўзларига кўра, 17 декабрь куни Туркия президенти Ражаб Тоййиб Эрдўған билан учрашувда гуманитар ёрдам масалаларини муҳокама қилади.
Бу Башар Асад режими ағдарилганидан кейин Сурияга ЕИ томонидан кўрсатилаётган илк инсонпарварлик ёрдамидир. 2024 йил охиригача Европанинг Сурияга инсонпарварлик ёрдами ҳажми 163 миллион еврони ташкил қилади.
Украина душман учун «Жаҳаннам» тайёрлади
16 декабрь куни яна изғирин совуқ қайтади
Россия Украинадан ерларини қайтариб олганини эълон қилди
