ЕИ Россияга қарши тайёрланаётган 20-санкциялар пакети лойиҳасидан Кулеви портидаги нефт терминалини чиқариб ташлади

Грузиянинг Биринчи канали хабар беришича, ушбу қарор ҳақида Европа Иттифоқининг санкциялар бўйича махсус вакили Девид О'Салливан Грузия Ташқи ишлар вазирлигига маълум қилган.

Девид О'Салливаннинг таъкидлашича, Кулеви портини санкциялар пакетига киритиш дастлаб унинг Россия нефтини денгиз орқали ташишдаги эҳтимолий роли ҳамда “яширин флот” танкерларининг портга кириши билан боғлиқ ҳолатлар туфайли кўриб чиқилган.

Бироқ Грузия ҳукумати ва порт оператори тегишли мажбуриятларни олгандан кейин бу позиция қайта кўриб чиқилган. Хусусан, Грузия Европа Иттифоқи санкциялари остидаги кемаларни ўз портларига киритмаслик ва уларга хизмат кўрсатмаслик бўйича кафолат берган.

Шунингдек, Кулевидаги нефт терминали эгаси — Озарбoйжоннинг давлат нефт компанияси SOCAR ҳам Европа Иттифоқининг Россия нефтига нисбатан жорий этилган чекловларига, жумладан нарх чегараси ва Россия хом нефти ҳамда нефт маҳсулотларини импорт қилиш тақиқларига қатъий риоя қилиш мажбуриятини олган.