ЕИ фуқаролик жамиятини қўллаб-қувватлаш мақсадида Ўзбекистонга 3,5 миллион евро миқдорида грант ажратди

Европа Иттифоқи вакиллари жами 3,5 миллион еврога яқин грант ажратилишини эълон қилди. Маблағлар Ўзбекистонда 2024–2026 йилларда саккизта лойиҳани амалга оширишга йўналтирилади, деб хабар бермоқда Подробно.уз мухбири.

“Фуқаролик жамияти ва ҳукумат ҳамкорлари билан биргаликда биз демократия ва тинч жамият учун зарур бўлган плюрализм ва инклюзивликка ўз ҳиссамизни қўшамиз, – деди Европа Иттифоқининг Ўзбекистондаги элчиси Шарлотта Адриан.

Лойиҳаларнинг устувор йўналишлари фуқаролик жамияти, айниқса, хотин-қизлар, ёшлар ва ижтимоий ҳимояга муҳтож қатламларнинг имкониятларини кенгайтириш, тенглик, ишончни ошириш ва бунга муҳтожларга мослашишга ёрдам беришдан иборат бўлди.