Футбол бўйича Европа чемпионлар лигаси плей-офф босқичи қизғин давом этмоқда. Кеча ўтган ўйинларда мухлислар шиддатли ва муросасиз баҳсларга гувоҳ бўлди.
"Астон Вилла" меҳмонда "Брюгге"ни 3:1 ҳисобида мағлуб этган бўлса, "ПСВ" меҳмони бўлган "Арсенал" рақибини аяб ўтирмади - 1:7. «Боруссия Д» ва «Лилль» ўртасидаги тўқнашув эса 1:1 ҳисобида дуранг билан тугади.
Кечанинг энг асосий тўқнашуви, шубҳасиз, Мадрид дербиси бўлди. «Реал» ва «Атлетико» ўртасидаги учрашувнинг 4-дақиқасида Родриго ҳисобни очди, 32-дақиқада эса Альварес ҳисобни тенглаштирди. Бутун ўйин давомида кескин кураш кузатилди. Иккинчи бўлимнинг 55-дақиқасида Браим Диас гол уриб, «Реал»га ғалаба олиб келди – 2:1!
Бу ғалаба «Қироллик клуби» учун тарихий аҳамият касб этди. «Реал» Европа чемпионлар лигаси ва Европа чемпионлари кубоги тарихида 300-ғалабага эришган биринчи жамоа бўлди.
Бугун тунда 1/8 финал босқичининг яна бир неча муҳим тўқнашувлари бўлиб ўтади. Ушбу учрашувлар билан танишинг:
«Фейеноорд» – «Интер»
«ПСЖ» – «Ливерпуль»
«Бавария» – «Байер Леверкузен»
«Бенфика» – «Барселона»
Ўзбекистоннинг "ЖЧ–2026" гуруҳ босқичидаги рақиби ўзгариши мумкин
Ўзбекистонлик футболчи фаолиятини Европа клубида давом эттиришга яқин
"Нефтчи" бомба трансферлар тайёрламоқда
