Словакия Бош вазири ўринбосари ва иқтисодиёт вазири Дениса Сакова "Дўстлик" (Дружба) нефт қувури орқали Россия хомашёси экспорти 23 апрелга ўтар кечаси қайта бошланганини тасдиқлади. Бир кун аввал Венгрия ҳукумати ҳам етказиб бериш тикланганини маълум қилган эди. Ушбу стратегик муҳим қувур 27 январдаги ўққа тутишдан сўнг тўхтаб қолган бўлиб, шу вақт ичида Словакия ва Венгрия Россиядан нефт ололмаётганди.
Украина томони қувурга Россия дрони зарба берганини даъво қилган бўлса, Венгрия ва Словакия Киевни таъмирлаш ишларини атайин кечиктиришда айблади. Ушбу келишмовчилик сабабли Будапешт ЕИнинг Украинага молиявий ёрдам ажратишини блоклаганди.
Бироқ 12 апрел куни Венгрияда бўлиб ўтган парламент сайловларида Киевга ёрдам беришга вето қўйиб келган Виктор Орбан партияси мағлуб бўлди. Шундан сўнг, 21 апрел куни Зеленский нефт қувури таъмирлангани ва нефт ҳайдашни бошлашга тайёрлигини эълон қилди, натижада минтақавий энергетик инқироз юмшаш босқичига ўтилди.
Теҳрон Эрон кемасини қўлга олганидан кейин АҚШ ҳарбий кемаларига ҳужум қилди
Эрон Исроил билан алоқа қилганлиги учун юқори лавозимли амалдорни қатл қилди
Эрон АҚШни “якуний жазо” билан таҳдид қилди
