"Хитойнинг жаҳон бозорларига нисбатан ҳурмаитсизлигига жавобан, мен Қўшма Штатларнинг Хитойга бўлган тарифларини 125 фоизга ошираман, бу дарҳол кучга киради. Умид қиламанки, яқин келажакда Хитой АҚШ ва бошқа мамлакатларга, қарши ҳаракат қилиш мақбул эмаслигини тушунади", — деб ёзди АҚШ президенти Truth Social ижтимоий тармоғида.
Шунингдек, Трамп 75 дан ортиқ давлат Қўшма Штатлардан савдо тарифлари бўйича музокаралар олиб боришни сўраганини ва бу мамлакатларга нисбатан божларни кечиктириш жорий қилинганини маълум қилди. Президентнинг сўзларига кўра, бу қарор ҳам дарҳол кучга киради ва божларни жорий этиш 90 кунга кечиктирилади.
Аввалроқ Пекин "Трампнинг савдо тарифларига қарши охиригача курашишини" маълум қилганди. Хитой Молия вазирлиги 10 апрелдан Қўшма Штатлардан импорт қилинадиган барча маҳсулотларга қўшимча 84 фоизлик тарифлар жорий этилишини эълон қилган эди.
