АҚШнинг собиқ президенти Дональд Трамп Эрон ва Хитой ҳақидаги махфий маълумотларни ўз ичига олган ҳужжатларни ўз уйида сақлаган
Ушбу маълумотлар махфий разведка усулларини очиб бериши ва ушбу мамлакатларни жавоб чораси кўришга ундаши мумкин. Бу ҳақда The Washington Post ўз манбаларига таяниб хабар бермоқда.
Ҳужжатлардан бирида Эроннинг ракета дастури, иккинчисида эса Хитойдаги разведка иши ҳақида сўз боради.
Манбанинг қайд этишича, иккала ҳужжат аллақачон энг сирли ҳужжатлардан бири сифатида тан олинган эди.