Доналд Трамп АҚШ Таълим вазирлигини тугатиш жараёнини бошлаш тўғрисидаги ҳужжатни имзолади

Овал кабинетда ўтказилган маросимда ҳатто махсус мактаб синфи ташкил қилинди ва Трамп учун алоҳида парта қўйилди.

"Биз бу вазирликни имкони борича тезроқ ёпамиз. У бизга ҳеч қандай фойда келтирмаяпти", — дея ўз қарорига изоҳ берди АҚШ президенти.

"Трамп ва кўпчилик республикачилар Таълим вазирлигини ёпишни анча вақтдан бери талаб қилиб келаётган эди. Аммо уни тўлиқ тугатиш учун Конгресснинг розилиги керак бўлади, бу эса жуда қийин", деб ёзади BBC.