Нашрнинг хабар беришича, АҚШ президенти Доналд Трамп ва унинг рафиқаси Мелания Трамп 2024 йил ноябридан бери бойликларини 3 миллиард долларга ошириб, жами 7,3 миллиард долларга етказишган. Forbes томонидан тузилган дунёнинг энг бой одамлар рўйхатида Доналд Трамп 118 поғона юқорилаган ва ҳозир 201-ўринни эгаллаб турибди.
Журнал маълумотларига кўра, бойликнинг катта қисми, тахминан 2 миллиард доллар, Трампнинг криптовалюталарга қилган инвестициялари билан боғлиқ.
Оқ Уй раҳбари, шунингдек, Нью-Йорк штати апелляция суди фирибгарлик ишида унга белгилаган жаримани бекор қилганидан сўнг 500 миллион доллар тежаган. Бундан ташқари, Forbes маълумотларига кўра, Трамп ўз исмини поябзал, соатлар ва парфюмерия каби маҳсулотларга лицензиялаш орқали қўшимча 400 миллион доллар даромад олган.
Доналднинг рафиқаси Мелания ўзининг чиқишлари, китоблари ва шахсий мемкоин чиқариши орқали оилавий бойликни яна 200 миллион долларга оширган.
"Президентнинг ўғиллари — кичик Доналд ва Эрикнинг бойлиги ўтган йилдан бери мос равишда 50 дан 500 миллион долларга ва 40 дан 750 миллион долларга ошган. Улар, шунингдек, American Bitcoin ва World Liberty Financial криптовалюта компанияларидаги улушларга эгалик қилишади. Қизи Иванканинг эри Жаред Кушнер эса Affinity Partners инвестиция компанияси орқали асосан Қатар, Саудия Арабистони ва БАА инвесторларидан жами 4,6 миллиард доллар жалб қилгач, миллиардерларга айланди. Кушнер, шунингдек, Трампнинг кўчмас мулк компаниясида 560 миллион долларлик улушга эга", дея ёзмоқда Forbes.
Хитойда электрнинг кўплиги муаммога айланди
Тошкент вилоятида поезд релсдан чиқиб кетди
Исроил энди фаластинликларни ёппасига кузатолмайди
