Делси Родригес Венесуэланинг муваққат президенти сифатида қасамёд қилди

Делси Родригес Венесуэланинг муваққат президенти сифатида қасамёд қилди.

Associated Press хабарига кўра, собиқ вице-президент қасамёдни ўз акаси — Миллий ассамблея (Венесуэла парламенти) раиси Хорхе Родригес иштирокида қилган.

"Мен Ватанимизга қарши амалга оширилган ноқонуний ҳарбий агрессия оқибатида Венесуэла халқига етказилган азоб-уқубатлар учун чуқур афсусдаман. Шунингдек, икки нафар қаҳрамонимизнинг ўғирлаб кетилгани учун ҳам афсусдаман", — деди Родригес қасамёд маросимида.

Аввалроқ Венесуэла Олий суди президент Николас Мадуронинг ўғирлаб кетилгани муносабати билан Делси Родригесни мамлакатнинг вақтинчалик президенти этиб тайинлаган эди.